భారతీయులకు ఉద్యోగాలివ్వకండి: టెక్ దిగ్గజాలకు ట్రంప్ హెచ్చరిక

వాషింగ్టన్, జూలై 25: అమెరికా మాజీ అధ్యక్షుడు డొనాల్డ్ ట్రంప్ మరోసారి సంచలన వ్యాఖ్యలతో వార్తల్లో నిలిచారు. అమెరికాలో ఇటీవల జరిగిన ఒక కృత్రిమ మేధస్సు (AI) సదస్సులో పాల్గొన్న ఆయన, గూగుల్, మైక్రోసాఫ్ట్ వంటి టెక్ దిగ్గజాలపై తీవ్ర స్థాయిలో విమర్శలు చేశారు. ముఖ్యంగా భారత్, చైనా వంటి దేశాల్లో ఉద్యోగ నియామకాలు నిలిపివేసి, అమెరికాలోని స్థానిక యువతకు ఉద్యోగ అవకాశాలు కల్పించాలని స్పష్టంగా పేర్కొన్నారు.

"అమెరికా కంపెనీలు విదేశీ టాలెంట్‌పై ఆధారపడటం మానుకోవాలి. అమెరికన్లకు ఉద్యోగాలు ఇవ్వడమే మా లక్ష్యం. ఇది ‘అమెరికా ఫస్ట్’ విధానానికి అనుగుణంగా ఉంటుంది," అని ట్రంప్ స్పష్టం చేశారు.

TODAY TOP DEALS

గ్లోబలిస్ట్ మైండ్‌సెట్‌పై విమర్శలు

టెక్ కంపెనీలు ప్రపంచవ్యాప్తంగా తమ కార్యకలాపాలను విస్తరించడాన్ని ట్రంప్ తీవ్రంగా తప్పుబట్టారు. “ఈ గ్లోబలిస్ట్ ఆలోచన విధానం వల్ల అమెరికాలో ఉద్యోగాలు తగ్గిపోతున్నాయి. భారతీయులను నియమించుకోవడం ద్వారా దేశీయ ప్రతిభను నిర్లక్ష్యం చేయకూడదు,” అని వ్యాఖ్యానించారు.

భారత ఐటీ రంగంలో ఆందోళన

ట్రంప్ వ్యాఖ్యలు భారత ఐటీ రంగంలో కలకలం రేపుతున్నాయి. ప్రపంచ వ్యాప్తంగా అత్యధిక మంది టెక్ ఉద్యోగులను అమెరికాకు పంపే దేశంగా భారత్ ఉన్న సందర్భంలో, ఇలాంటి వ్యాఖ్యలు భవిష్యత్ వీసా విధానాలపై కూడా ప్రభావం చూపే అవకాశం ఉంది.

అమెరికాలో ఇప్పటికే పనిచేస్తున్న లేదా ఉద్యోగ అవకాశాల కోసం ఎదురు చూస్తున్న భారతీయ నిపుణులకు ఇది ఓ దెబ్బే అని విశ్లేషకులు అభిప్రాయపడుతున్నారు.